Araşdırma: Tirzepatid arıqlama üçün ən effektiv preparat olub

Fins.az - ABŞ-nin Corciya Universiteti alimlərinin apardığı araşdırma tirzepatidin arıqlama üçün ən effektiv preparat olduğunu göstərib.

“Obesity” jurnalında dərc olunan tədqiqatda 14 mindən çox iştirakçının məlumatları təhlil olunub və tirzepatid, semaglutid və liraglutid preparatlarının nəticələri müqayisə edilib.

Nəticələrə əsasən, tirzepatid qəbul edən şəxslər orta hesabla bədən çəkilərinin 20 faizdən çoxunu itiriblər.

Bu göstərici semaglutid istifadəçilərində təxminən 15 faiz, liraglutid qəbul edənlərdə isə 8 faiz olub.