Almaniyaya uçan təyyarədə pəncərə qırılıb, sərnişin faciədən son anda xilas olub

Fins.az - Yunanıstanın Saloniki şəhərindən Almaniyanın Memmingen şəhərinə uçan “Ryanair” aviaşirkətinə məxsus sərnişin təyyarəsində ciddi insident baş verib.

Məlumata görə, uçuş zamanı pəncərə qəfil yerindən çıxıb və nəticədə 61 yaşlı Serbiya vətəndaşı çiyinlərinədək hava axınının təsiri ilə təyyarədən kənara dartılıb. Sərnişin son anda faciədən xilas edilib.

Hadisənin başvermə səbəbləri araşdırılır. Təyyarədə baş verən insident zamanı digər sərnişinlərin vəziyyəti barədə əlavə məlumat verilməyib.