Almaniyanın avtomobil sənayesində mənfi dinamika müşahidə olunur

Fins.az - Almaniyanın ixrac sektorunda gözləntilər zəifləyib və avtomobil sənayesində mənfi dinamika müşahidə olunur.

Məlumata görə, ixrac gözləntiləri indeksi may ayında mənfi istiqamətdə dəyişərək son bir ildən artıq müddətin ən aşağı səviyyəsinə enib.

İqtisadiyyat üzrə ekspert Timo Vollmershauzer bildirib ki, ilin ilk rübündə ixracda müəyyən canlanma olsa da, ümumi perspektivlər qeyri-müəyyən olaraq qalır.

Onun sözlərinə görə, geosiyasi vəziyyət yüksək risklərlə müşayiət olunur və bu səbəbdən iqtisadi nikbinlik üçün ciddi əsas yoxdur.