Alimlər Yerə yaxın 40 minə yaxın asteroidin mövcud olduğunu bildirir

Fins.az - Alimlərin məlumatına görə, bu günə qədər Yerə yaxın orbitdə yerləşən təxminən 40 min asteroid aşkarlanıb.

Tədqiqatçılar qeyd edirlər ki, bu obyektlərin izlənməsi planetin təhlükəsizliyi baxımından böyük əhəmiyyət daşıyır. Bu istiqamətdə aparılan mühüm eksperimentlərdən biri də dörd il əvvəl həyata keçirilib. Həmin vaxt NASA kosmik gəmini qəsdən kiçik bir asteroidə çırparaq onun trayektoriyasını dəyişdirməyə nail olub.

Təcrübə nəticəsində Ay asteroidi olan “Dimorfos” daha böyük “Didimos” ətrafındakı orbitini dəyişərək daha kiçik və sürətli orbitə keçib. Yeni araşdırmalar göstərir ki, bu dəyişiklik cütlüyün Günəş ətrafındakı hərəkətinə də müəyyən təsir göstərib.

Mütəxəssislər vurğulayırlar ki, “Dimorfos” üzərində aparılan sınaq real təhlükə ilə bağlı olmasa da, gələcəkdə Yer üçün risk yarada biləcək asteroidlərə qarşı müdafiə strategiyalarının hazırlanması baxımından mühüm əhəmiyyət kəsb edir.