Aİ Yaxın Şərq ölkələrinə 450 milyon avrodan çox humanitar yardım ayıracaq

Fins.az - Avropa İttifaqı Yaxın Şərq ölkələrinə 458 milyon avro həcmində humanitar yardım ayırdığını açıqlayıb.

Avropa Komissiyasının sosial şəbəkədə yaydığı məlumata görə, vəsait Fələstin, Livan, Suriya, İordaniya və Misirdə yaşayan əhaliyə dəstək məqsədilə ayrılacaq.

Bildirilib ki, Avropa İttifaqı beynəlxalq humanitar hüququn normalarına əməl edilməsinə sadiq qalır və tərəfdaşları ilə birlikdə ehtiyacı olan insanların diqqətdən kənarda qalmaması üçün fəaliyyətini davam etdirir.