Aİ İspaniyaya müdafiə xərclərini artırmaq üçün xüsusi büdcə mexanizmi verib

Fins.az - Avropa İttifaqı İspaniyanın müdafiə xərclərini artırmasına imkan verən xüsusi büdcə mexanizminin tətbiqini təsdiqləyib.

Məlumata görə, qərara əsasən İspaniya Sabitlik və Artım Paktında nəzərdə tutulan “milli istisna müddəası”ndan (National Escape Clause) istifadə edə biləcək.

Bu mexanizm ölkəyə müdafiə sahəsinə əlavə maliyyə vəsaiti yönəltmək imkanı verir.

Aİ rəsmiləri bildirirlər ki, qərar Avropada təhlükəsizlik vəziyyətinin dəyişməsi fonunda üzv ölkələrin müdafiə potensialının gücləndirilməsi məqsədi daşıyır.