ABŞ Venesuelanın neft sektoruna qarşı sanksiyaları yumşaltmağı planlaşdırır

Fins.az - ABŞ prezidenti Donald Tramp administrasiyası neft qiymətlərinin artımını cilovlamaq məqsədilə Venesuelanın neft sektoruna qarşı sanksiyaları daha da yumşaltmağı planlaşdırır. Məlumata görə, bu addım İranla bağlı münaqişənin enerji bazarına təsirini azaltmağa yönəlib.

Gözlənilir ki, qərar çərçivəsində xarici şirkətlərin Venesuelada fəaliyyət göstərməsinə imkan verən fərdi lisenziyaların sayı artırılacaq. Bu lisenziyalar şirkətlərə ABŞ sanksiyalarını pozmadan ölkədə işləməyə şərait yaradacaq.

Məlumata əsasən, yaxın vaxtlarda ABŞ Maliyyə Nazirliyindən icazə ala biləcək şirkətlər arasında Hindistanın ONGC Videsh Ltd, İsveçin Maha Capital AB və Braziliyanın J&F Investimentos şirkətləri də yer alır.