ABŞ universiteti tədris prosesində süni intellektdən istifadəyə məhdudiyyət qoyub

Fins.az - ABŞ-nin Çikaqo Universiteti tədris prosesində süni intellektdən istifadə ilə bağlı daha sərt qaydalar tətbiq edib.

Universitetin açıqladığı yeni strategiyaya əsasən, xüsusilə birinci kurs hüquq tələbələri üçün auditoriyalarda telefon, noutbuk və digər rəqəmsal cihazlardan istifadəyə icazə verilməyəcək. Tələbələr qeydlərini yalnız qələm və kağız vasitəsilə aparacaqlar.

Universitet rəhbərliyi bildirib ki, bu qərar süni intellektin ali təhsil və hüquq sahəsinə təsirinin qiymətləndirilməsi fonunda qəbul edilib və daha geniş təhsil strategiyasının tərkib hissəsidir.