ABŞ Çində iri neft emalı zavodunu sanksiya siyahısına daxil edib

Fins.az - ABŞ Maliyyə Nazirliyi Çinin ən böyük özəl neft emalı müəssisələrindən biri olan “Hengli Petrochemical (Dalian) Refinery Co.”nu sanksiya siyahısına əlavə edib.

Məlumata görə, bu qərardan sonra şirkətin səhmləri 10 faiz dəyər itirib, həmçinin Asiyada bəzi əsas neft-kimya müştəriləri sifarişlərini ləğv edib.

Şirkət isə əməliyyatlarını davam etdirmək üçün kifayət qədər – 3 aydan çox xam neft ehtiyatına malik olduğunu bildirib. Eyni zamanda, gələcək satışların ABŞ dolları əvəzinə Çin yuanı ilə həyata keçiriləcəyi qeyd olunub.

Gündəlik 400 min barel emal gücünə malik olan zavod Çinin ən müasir inteqrasiya olunmuş müəssisələrindən biri hesab olunur. O, xüsusilə Şərqi Asiyada tekstil və sintetik lif istehsalı üçün mühüm əhəmiyyət daşıyır və saf tereftal turşusunun əsas təchizatçılarından biridir.