ABŞ-də 121 milyard dollarlıq bərpaolunan enerji investisiyası təhlükə altındadır

Fins.az - ABŞ-də külək və Günəş enerjisi layihələri üzrə icazələrin verilməsində yaranan gecikmələr 121 milyard ABŞ dolları həcmində investisiyanı risk altına salıb.

“Wood Mackenzie” tədqiqat şirkətinin hesabatına əsasən, ləngimələr ümumi gücü 92 giqavat olan külək, Günəş və enerji saxlama layihələrinin həyata keçirilməsini çətinləşdirir.

Mütəxəssislərin hesablamalarına görə, bu həcmdə istehsal gücü təxminən 69 milyon ev təsərrüfatını elektrik enerjisi ilə təmin etməyə kifayət edər.