2035-ci ilədək enerji tələbatı artımının 20 faizi Cənub-Şərqi Asiyanın payına düşəcək

Fins.az - Beynəlxalq Enerji Agentliyinin (IEA) məlumatına görə, 2035-ci ilə qədər qlobal enerji tələbatında gözlənilən artımın təxminən 20 faizi Cənub-Şərqi Asiya ölkələrinin payına düşəcək.

Hesabatda qeyd olunur ki, dünya ümumi daxili məhsulunun təxminən 4 faizini formalaşdıran bu regionda enerji istehlakı sürətlə artır.

Xüsusilə elektrik enerjisinə olan tələbat ümumi enerji tələbatı ilə müqayisədə iki dəfə daha sürətli tempdə yüksəlir.

IEA ekspertləri hesab edirlər ki, əhalinin artması, şəhərləşmə, sənayeləşmə və iqtisadi inkişaf regionda enerji istehlakının əsas hərəkətverici qüvvələri olaraq qalacaq.