“FlyJordan Airlines” Əmman-Bakı-Əmman istiqamətində uçuşlara başlayıb

Finss.az - İordaniyanın “FlyJordan Airlines” aviaşirkəti Əmman-Bakı-Əmman istiqamətində müntəzəm reyslərə start verib.

Heydər Əliyev Beynəlxalq Aeroportunun rəsmi məlumatına görə, uçuşlar həftədə bir dəfə — şənbə günləri həyata keçiriləcək. Yeni marşrut ticarət əlaqələrinin inkişafına, turizm və işgüzar səfərlərin artmasına təkan verəcəyi gözlənilir.

Azərbaycan və İordaniya arasında hava nəqliyyatının genişləndirilməsi iqtisadi əməkdaşlığın güclənməsinə də müsbət təsir göstərəcək.