İlin ən yaxşı işəgötürən şirkəti məlum oldu

“Microsoft” və “Google” şirkətləri yalnız yüksək texnologiyalar sahəsində deyil, həm də əmək bazarında rəqibdirlər. Fins.az-ın rus mətbuatına istinadən yaydığı xəbərə görə, bu sahədə ən yaxşı şirkətlər “Forbes” jurnalının versiyasına görə müəyyən edilib. Beləliklə, “Google” növbəti dəfə ən yaxşı iş yeri adına layiq görülüb. Reytinqin tərtib edilməsi üçün keçirilən sorğuda iştirak etmiş respondentlər bu korporasiyada yüksək əməkhaqqı, uzunmüddətli məşğulluq perspektivi və yaxşı iş mühitinin olduğunu qeyd ediblər. Bir qədər əvvəl isə “Microsoft” korporasiyası “Global Randstad Award 2015” reytinqində ilin ən yaxşı işə götürəni mükafatına layiq görülmüşdü.