Azərbaycanla Niderland arasında nəqliyyat sahəsində tərəfdaşlıq perspektivləri müzakirə olunub

Niderland Krallığının Azərbaycandakı səfiri Marianne de Jong Van Oord şirkəti ilə birlikdə Bakı Beynəlxalq Dəniz Ticarət Limanına səfər edib.

Fins.az xəbər verir ki, səfər çərçivəsində Azərbaycan ilə Niderland arasında mövcud əməkdaşlıq, xüsusilə logistika və nəqliyyat sahəsində tərəfdaşlıq perspektivləri müzakirə olunub. Görüşdə Niderland şirkətlərinin limandakı fəaliyyəti, Orta Dəhliz üzrə artan əhəmiyyət və bu istiqamətdə potensial əməkdaşlığın genişləndirilməsi məsələlərinə xüsusi diqqət yetirilib.