Azərbaycan cüdoçuları European Open 2026 turnirində iki medal qazanıblar

Fins.az - Azərbaycan cüdoçuları Polşanın paytaxtı Varşavada keçirilən European Open 2026 beynəlxalq turnirinin son günündə iki medal qazanıblar. +100 kq çəki dərəcəsində çıxış edən Cəmal Feyziyev gümüş medal əldə edib. 100 kq çəki dərəcəsində mübarizə aparan Elmar Qasımov isə bürünc medala layiq görülüb. Turnirin əvvəlki günündə isə 66 kq çəki dərəcəsində yarışan Tofiq Məmmədov üçüncü yeri tutub. European Open turniri Avropa Cüdo İttifaqının təşkil etdiyi nüfuzlu beynəlxalq yarışlar seriyasına daxildir və idmançılara dünya reytinqi üçün xal toplamaq imkanı yaradır.