Yaponiyada Tankan indeksi son səkkiz ilin maksimumuna yüksəlib

Fins.az - Yaponiyada iri emal sənayesi şirkətlərinin iqtisadiyyata inamını əks etdirən Tankan indeksi ikinci rübdə əhəmiyyətli artım göstərib.

Yaponiya Bankının məlumatına görə, indeks əvvəlki rübdəki 17 bənddən 22 bəndə yüksəlib.

Beləliklə, göstərici 2018-ci ilin birinci rübündən bəri ən yüksək səviyyəyə çataraq son səkkiz ilin rekordunu yeniləyib.

İndeksin bu qədər yüksəlməsi analitiklərin proqnozlarından yüksək olub və bazar iştirakçıları üçün gözlənilməz nəticə hesab edilir.