Yaponiya dövlət neft ehtiyatlarından istifadəyə başlayır

Fins.az - Yaponiya martın 27-dən etibarən dövlət neft ehtiyatlarından satışa çıxarmağa başlayacaq. Bu addım Yaxın Şərqdəki gərginliyin enerji təchizatına yaratdığı çətinlikləri yumşaltmaq məqsədini daşıyır.

Baş nazir Sanae Takaiçi Nazirlər Kabinetinin xüsusi iclasında bildirib ki, Yaponiyada saxlanılan Yaxın Şərq ölkələrinə aid birgə neft ehtiyatlarından da ayın sonuna qədər istifadə olunacaq. O, həmçinin qeyd edib ki, Tokio əlaqəli ölkələrlə sıx koordinasiyada diplomatik səylərini davam etdirəcək və münaqişənin iqtisadi fəaliyyətə təsirini minimuma endirməyə çalışacaq.