Wells Fargo I rübdə mənfəət və gəlirlərini artırıb

Fins.az - Wells Fargo & Co. 2026-cı ilin birinci rübündə xalis mənfəətini 15% artıraraq 5,25 milyard dollara çatdırıb. Hər səhm üzrə mənfəət 1,6 dollar olub. Ötən ilin eyni dövründə bu göstərici 4,89 milyard dollar və ya 1,39 dollar təşkil edirdi.

Bankın ümumi gəlirləri 6% artaraq 21,45 milyard dollara yüksəlib. Bununla belə, nəticə bazar gözləntilərindən bir qədər aşağı olub.

Xalis faiz gəlirləri 5% artaraq 12,1 milyard dollar təşkil edib, lakin bu göstərici analitik proqnozlarını tam qarşılamayıb. Qeyri-faiz gəlirləri isə 8% artaraq 9,35 milyard dollara çatıb.

Eyni zamanda, kredit itkiləri üçün ayrılan ehtiyatlar artaraq 1,14 milyard dollar olub (ötən il 932 milyon dollar). Bu isə bankın ehtiyatlı risk siyasəti apardığını göstərir.