Wells Fargo 40 milyard dollarlıq yeni geri alış proqramını elan etdi

Amerikanın ən böyük banklarından biri olan Wells Fargo & Co. 40 milyard dollar dəyərində yeni səhmlərin geri alınması proqramını elan etdi.

Finss.az xəbər verir ki, yeni proqram indiki proqram bitdikdən sonra başlayacaq. Wells Fargo 2023-cü ilin yayında proqramın icrası üçün vaxt çərçivəsi göstərmədən 30 milyard dollarlıq geri alacağını elan etdi.

Hesabatda qeyd olunur ki, 2019-cu ildən etibarən bankın tədavüldə olan səhmlərinin sayı 22% azalıb.

Wells Fargo-nun direktorlar şurası da hər bir səhm üçün 0,40 ABŞ dolları məbləğində rüblük divident təsdiqləyib. Dividendlər mayın 9-da bazarın bağlanması tarixinə olan reyestrdə olan səhmdarlara iyunun 1-də ödəniləcək.