Türkiyənin kakao ixracı rekord həddə çatdı
Fins.az - Kakao əsasən dünyada Cənubi Amerika və Afrika qitələrində yetişdirilir. Türkiyədə isə kakao istehsalı əsasən hobbi səviyyəsində yeni-yeni sınaqdan keçirilir və əsasən Aralıq dənizi regionunda yetişdirilməsi üzərində təcrübələr aparılır. Kakao isə xüsusilə şokolad istehsalı başda olmaqla qida sənayesində mühüm xammal hesab olunur.
Türkiyə kakao ticarətini iki formada – xammal və emal olunmuş məhsul kimi həyata keçirir. Kakao ölkədə emal edilərək hazır məhsula çevrilir və daha sonra xarici bazarlara ixrac olunur.
Türkiyə Statistika İnstitutu (TÜİK) məlumatına görə, ölkənin kakao ixracı son illərdə sürətlə artıb:
2021 – 775 milyon 496 min dollar
2022 – 942 milyon 577 min dollar
2023 – 1 milyard 20 milyon 668 min dollar
2024 – 1 milyard 127 milyon 346 min dollar
2025 – 1 milyard 664 milyon 947 min dollar
Beləliklə, 2021–2025-ci illər ərzində kakao ixracı 114,7% artıb və bu dövrdə Türkiyənin ümumi kakao ixracı 5,5 milyard dolları keçib.
