Sənədsiz evlərlə bağlı sevindirici proses - Ekspert

Ölkədə illərdən bəri yığılmış və qeydiyyat problemi olan fərdi yaşayış evlərinin sənədləşdirilməsi öz həllini tapmalıdır.

Bu sözləri  əmlak məsələləri üzrə ekspert Ramil Osmanlı deyib.

Ekspert bildirib ki, bu proses konsepsiya əsasında həyata keçirilir:

“Hökumətin məsələ ilə bağlı prioritetləri məlumdur və konsepsiya hazırlanıb. Konsepsiya çərçivəsində müəyyən işlər görülüb və inventarlaşma işlərinə başlanılıb. 250 mindən artıq sənədsiz fərdi yaşayış evi inventarlaşdırılıb. İşlərin yekunlaşdırılaraq qərar qəbul edilməsi və çıxarışların verilməsinə başlanması gözlənilir. Düşünürəm ki, ilin sonunadək bu məsələ ilə bağlı qərar qəbul ediləcək”.