Rusiya Çinə quş əti ixracını 17,8% artırıb

Finss.az xəbər verir ki, Çin Dövlət Gömrük İdarəsinin (SAC) açıqladığı statistikaya əsasən, Rusiya 2025-ci ilin yanvar-avqust aylarında Çinə 321,7 milyon dollar dəyərində quş əti və daxili məhsullar ixrac edib. Bu göstərici ötən ilin müvafiq dövründəki 272,98 milyon dollarlıq ixracla müqayisədə 17,8% artım deməkdir.

2025-ci ilin avqust ayında Rusiyadan Çinə ixrac 51,2 milyon dollar təşkil edib. Müqayisə üçün, 2024-cü ilin avqustunda bu göstərici 39,1 milyon dollar, 2025-ci ilin iyulunda isə 43,2 milyon dollar olmuşdur.

Artımın əsas səbəbi kimi Çində təhlükəsiz və sərfəli ət məhsullarına artan tələbat, həmçinin Rusiya istehsalçılarının Asiya bazarlarına çıxış imkanlarının genişlənməsi göstərilir.