Qilbert Boyler: ABŞ texnologiyaları ilə Azərbaycan əməliyyatlarının effektivliyi artırılır

“GL Group” şirkəti yaxın gələcəkdə ABŞ-də neft yataqları əməliyyatlarını genişləndirməyi planlaşdırır.

Fins.az xəbər verir ki, bu barədə şirkətin Texniki Funksiyalar və Beynəlxalq Əməliyyatlar üzrə baş vitse-prezidenti Qilbert Boyler ABŞ-Azərbaycan Ticarət Palatasının 30 illiyinə həsr olunmuş konfransda məlumat verib.

Boyler qeyd edib ki, şirkət əməliyyatlarının əsasını Azərbaycanda saxlamaqla ABŞ-də fəaliyyətini genişləndirəcək, mövcud yataqları optimallaşdıraraq quyuların səmərəliliyi, əməliyyat effektivliyi və xərc intizamını artırmaq üzərində işləyir.

O əlavə edib ki, tədqiqat və inkişaf (R&D) prosesi çərçivəsində ABŞ-də hazırlanmış texnologiyalar Azərbaycan şəraitinə uyğunlaşdırılır və əməliyyatların performansı yüksəldilir.

Bu təşəbbüslər “GL Group”un beynəlxalq əməliyyatlarının inkişafı və texnoloji innovasiyaların tətbiqi strategiyasının vacib hissəsini təşkil edir.