Naxçıvanın xarici ticarət dövriyyəsi 9%-dən çox artıb

Bu ilin yanvar-fevral ayları üzrə Naxçıvan Muxtar Respublikasının xarici ticarət dövriyyəsinin həcmi 2019-ci ilin müvafiq dövrünün göstəricisini 9,4% üstələyərək 51 156,2 min ABŞ dolları təşkil edib.

Fins.az xəbər verir ki, bu barədə Naxçıvan Dövlət Statistika Komitəsi məlumat yayımlayıb
Məlumata görə, 2019-cu ilin yanvar ayı ilə müqayisədə bu ilin ilk iki ayında ixracın həcmi 0,6% artaraq 37 044,6 min dollar olub. Hesabat dövründə idxalın həcmi 14 111,6 min dollar təşkil edib ki, bu da ötən ilin müvafiq dövrünün göstəricisini 41,9% üstələyir.