Naxçıvanda əsas kapitala yönələn vəsait artıb

Bu ilin yanvar-may aylarında vəsait qoyuluşları çərçivəsində Naxçıvan Muxtar Respublikasında bütün maliyyə mənbələrindən əsas kapitala 404,4 mln. manatdan çox vəsait yönəldilib ki, bu da bir il öncəki göstəricidən 1,3% çoxdur.

Naxçıvan Dövlət Statistika Komitəs yayımladığı məlumata görə, bu ilin ilk beş ayında əsas kapitala yönəldilən vəsaitin 384,13 mln. manatdan çoxu və ya 95%-i tikinti-quraşdırma işlərinin payına düşüb.