Minecraft filmi keçən həftə sonu Şimali Amerikanın kassasında liderlik edir

“The Variety” xəbər verir ki, “A Minecraft Movie” həftəsonu ABŞ və Kanada kinoteatrlarında 157 milyon dollar qazanaraq ilin ən yaxşı açılışı olub.

Finss.az xəbər verir ki, film həmçinin video oyun əsaslı film üçün ən yaxşı açılış həftəsonu kassasına sahib idi. Əvvəlki rekord 2023-cü ildə 146 milyon dollar qazanan "The Super Mario Bros. Movie" tərəfindən qoyulmuşdu. Analitiklər, Ceyson Momoa və Cek Blekin baş rollarda çəkildiyi filmin təxminən 70-80 milyon dollar gəlir əldə edəcəyini proqnozlaşdırmışdılar, ən optimist proqnozlar isə regionda kassa gəlirlərinin 90 milyon dollar olacağını proqnozlaşdırırdı.