“Sokolov” zərgərlik holdinqi Anton Pakaya satıldı

Finss.az xəbər verir ki, “Kommersant”ın məlumatına əsasən, “Sokolov” zərgərlik holdinqinin benefisiarı Artem Sokolov şirkəti özəl investor Anton Pakaya satıb. Əməliyyata holdinqin bütün hüquqi şəxsləri və ticarət nişanları daxil olub. Satış prosesində Aspring Capital maliyyə məsləhətçisi qismində çıxış edib.

Artem Sokolov bildirib ki, şirkət investor axtarışında IPO imkanını da nəzərdən keçirirdi. Onun sözlərinə görə, indi diqqətini şəxsi layihələrə, vençur investisiyalarına və Sokolov Ailəsi Xeyriyyə Fondunun dəstəklənməsinə yönəldəcək.