Əhalinin gəlirləri inflyasiyadan sürətli artıb

2019-cu ilin yanvar ayı ilə müqayisədə 2020-ci ilin yanvar ayında əhalinin gəlirləri nominal ifadədə 6,8 faiz artaraq 4,1 milyard manat təşkil etmişdir.

Fins.az xəbər verir ki, bu, Dövlət Statistika Komitəsinin aylıq hesabatında bildirilir.

2020-ci ilin yanvar ayında istehlak qiymətləri indeksi (inflyasiya) 2019-cu ilin yanvar ayı ilə müqayisədə 2,7 faiz, o cümlədən ərzaq məhsulları, içkilər və tütün məmulatları üzrə 4,6 faiz, qeyri-ərzaq malları üzrə 1,1 faiz, əhaliyə göstərilən ödənişli xidmətlər üzrə 1,5 faiz artıb.