Çində neft hasilatı yanvar–fevral aylarında 1,9% artıb

Fins.az - Çində yanvar–fevral aylarında neft hasilatı ötən ilin eyni dövrü ilə müqayisədə 1,9 faiz artaraq 35,73 milyon tona çatıb. Bu barədə ölkənin Dövlət Statistika İdarəsi məlumat yayıb.

Məlumata görə, eyni dövrdə neft emalı həcmi də 1,9 faiz artaraq 122,63 milyon ton təşkil edib. Təbii qaz hasilatı isə 2,9 faiz yüksələrək 44,6 milyard kubmetrə çatıb.

Qeyd edilib ki, Çin Dövlət Statistika İdarəsi iqtisadi göstəriciləri adətən yanvar və fevral ayları üzrə birlikdə təqdim edir. Bu, Ay təqvimi üzrə Yeni il bayramı ilə əlaqədar uzunmüddətli tətil günlərinin bəzən yanvar, bəzən isə fevral ayına düşməsi səbəbindən statistik məlumatların təhrif olunmaması üçün edilir.