Çin Rusiyadan quş əti idxalını 1,5 dəfə azaldıb

Fins.az - Çin cari ilin birinci rübündə Rusiyadan quş əti və onun məhsullarının idxalını əhəmiyyətli dərəcədə azaldıb.

Rəsmi məlumatlara görə, bu dövrdə idxalın dəyəri 70 milyon dollar təşkil edib ki, bu da ötən ilin eyni dövrü ilə müqayisədə 1,5 dəfə azdır. Mart ayında isə alışlar 24,1 milyon dollara düşüb.

Buna baxmayaraq, Rusiya Çin bazarında quş əti tədarükçüləri arasında ikinci yeri qoruyub saxlayıb. Siyahıya Braziliya liderlik edir, ilk üçlüyü isə Tailand tamamlayır.

Eyni zamanda, Çin öz növbəsində Rusiyaya quş əti ixracını artırıb. İlin ilk üç ayında bu göstərici 2,2 dəfə artaraq 39,5 milyon dollara çatıb. Mart ayında da ixrac artımı müşahidə olunub.