Cənub Qaz Dəhlizi ilə qaz ixracı genişlənir: 50,6 milyard kubmetr qaz hasil edilib

Prezidentin tapşırığı ilə Hökumət qarşısında mühüm vəzifələrdən biri də Cənub Qaz Dəhlizi vasitəsilə qaz təchizatının ixrac coğrafiyasının genişləndirilməsidir.

Finss.az-ın xəbərinə görə, bunu Milli Məclisdə Nazirlər Kabinetinin 2024-cü il üzrə hesabatının təqdimatı zamanı Baş nazir Əli Əsədov bildirib.

Qeyd edilib ki, hazırda bu kəmər vasitəsilə qazımızı alan ölkələrin sayı 12-ə bərabərdir.

Hesabat ili ərzində 29,1 milyon ton neft, 50,6 milyard kubmetr qaz hasil edilmişdir. Neftin 24,4 milyon tonu, qazın isə 25,5 milyard kubmetri ixrac edilib.