Bu il hər bir istehlakçı ötən ildən 23 manat az pul xərcləyib
2020-ci ilin yanvar-noyabr aylarında istehlak bazarında bir istehlakçı orta hesabla ayda 382,3 manat və ya 2019-cu ilin eyni dövrünün göstəricisindən nominal ifadədə 23 manat az vəsait xərcləyib.
Bu ilin yanvar-noyabr aylarında istehlakçıların tələbatlarının ödənilməsi məqsədilə satılan məhsulların və göstərilən xidmətlərin dəyəri 42 mlrd. manat olmaqla 2019-cu ilin eyni dövrünə nisbətən müqayisəli qiymətlərlə 7,6% azalıb.
Fins.az Dövlət Statistika Komitəsinə istinadən xəbər verir ki, qeyri-dövlət sektorunun təsərrüfat subyektləri tərəfindən satılan məhsulların və göstərilən xidmətlərin dəyəri 2019-cu ilin yanvar-noyabr ayları ilə müqayisədə 7,3% azalaraq 40,5 mlrd. manata bərabər olub, onun 51%-i fərdi sahibkarların fəaliyyəti sayəsində formalaşıb.
