Benzinin bahalaşması amerikalıların elektromobillərə marağını artırır

Fins.az - Yaxın Şərqdə baş verən münaqişə fonunda benzin qiymətlərinin artması ABŞ sakinlərinin elektromobillərə marağını artırıb.

Məlumata görə, ABŞ-da benzinin orta qiyməti martın 14-nə olan göstəriciyə əsasən bir qallon (3,8 litr) üçün 3,7 dollar təşkil edir. Bir ay əvvəl isə bu göstərici 2,9 dollar idi. Hesablamalara görə, təkcə bu həftə amerikalı sürücülər yanacağa adi göstəricidən 1,65 milyard dollar daha çox vəsait xərcləyiblər.

Bir neçə ay satışların azalmasından sonra elektromobillərə maraq yenidən artmağa başlayıb. Hərbi əməliyyatların başlanmasından sonra ilk həftədə avtomobil platformalarında elektromobillərlə bağlı axtarış sorğuları təxminən 20 faiz artıb.

Ekspertlərin fikrincə, ölkədə benzinin orta qiyməti 4 dollara çatacağı halda elektromobillərə kütləvi keçid başlaya bilər.