Azərbaycandan Bolqarıstana təbii qaz ixracı artıb

2026-cı ilin yanvar–fevral aylarında Azərbaycandan Bolqarıstana 81,088 milyon ABŞ dolları dəyərində 268,9 milyon kubmetr həcmində təbii qaz ixrac edilib.

Fins.az Dövlət Statistika Komitəsinə istinadən xəbər verir ki, bu göstərici ötən ilin eyni dövrü ilə müqayisədə dəyər ifadəsində 1,922 milyon ABŞ dolları və ya 2,4%, həcm ifadəsində isə 53,4 min kubmetr və ya 24,7% artım ilə qeydə alınıb.

Ümumilikdə, 2026-cı ilin yanvar–fevral aylarında Azərbaycandan 8 ölkəyə 1,285 milyard ABŞ dolları dəyərində 4,381 milyard kubmetr təbii qaz ixrac olunub. Bu göstərici 2025-ci ilin eyni dövrü ilə müqayisədə dəyər baxımından 265 milyon ABŞ dolları və ya 17,1% azalma, həcm baxımından isə 193,7 milyon kubmetr və ya 4,6% artım deməkdir.