Azərbaycanda külək enerjisi istehsalı kəskin artıb

2026-cı ilin yanvar–aprel aylarında Azərbaycanda külək elektrik stansiyalarında (KES) 327,5 milyon kVt-saat elektrik enerjisi istehsal edilib.

Fins.az xəbər verir ki, bu barədə Dövlət Statistika Komitəsi məlumat yayıb.

Məlumata əsasən, bu göstərici 2025-ci ilin eyni dövrü ilə müqayisədə 321,9 milyon kVt-saat və ya 58,5 dəfə artım deməkdir.

Eyni zamanda, hesabat dövründə günəş elektrik stansiyalarında 121,8 milyon kVt-saat elektrik enerjisi istehsal olunub. Bu isə ötən ilin müvafiq dövrü ilə müqayisədə 7,8 milyon kVt-saat və ya 6 faiz azalma deməkdir.

Qeyd edilib ki, 2026-cı ilin yanvar–aprel aylarında Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 1 milyard 322,7 milyon manat dəyərində məhsul istehsal olunub və xidmətlər göstərilib.

Həmçinin su təchizatı, tullantıların təmizlənməsi və emalı sektorunda istehsal olunmuş məhsulların həcmi 201 milyon manat təşkil edib.