Avropa neft və qaz şirkətlərinin mənfəəti azalıb

Finss.az - 2024-cü ilin dördüncü rübündə Avropanın əksər neft və qaz şirkətlərinin mənfəəti azalıb.

Qiymətlərin düşməsi istehsalçı şirkətlərə, emal marjasının aşağı olması isə neft emalı zavodlarına təzyiq göstərib. Gözlənilir ki, Shell, TotalEnergies, Equinor, BP, OMV və digər iri şirkətlər ilin son rübü üzrə maliyyə hesabatlarını yaxın günlərdə açıqlayacaq.

Analitiklər, şirkətlərin gəlirlərinin azaldığını, xüsusən qaz qiymətlərinin artmasının təsiri ilə azalma tempinin zəiflədiyini bildirirlər. Bəzi mütəxəssislər 2025-ci ildə vəziyyətin ciddi şəkildə yaxşılaşacağına inanmır.