ABŞ-ın Xəzər Siyasət Mərkəzinin rəhbər heyəti KOBİA-da olub

ABŞ-ın müstəqil beyin mərkəzi olan Xəzər Siyasət Mərkəzinin (“Caspian Policy Center”) üzvləri Kiçik və Orta Biznesin İnkişafı Agentliyində (KOBİA) olublar.

KOBİA-dan Fins.az-a bildirilib ki, agentliyin İdarə Heyətinin sədri Orxan Məmmədov mərkəzin icraçı direktoru və İdarə Heyətinin üzvü Əfqan Nifti, ABŞ-ın Azərbaycandakı sabiq səfiri Robert Sekuta və müxtəlif ölkələrdə səfir işləmiş Riçard Hoqland, eləcə də elmi dairələrin nümayəndələrindən ibarət nümayəndə heyətinə Azərbaycanın biznes və investisiya imkanları, iqtisadiyyatın şaxələndirilməsi tədbirləri, o cümlədən iqtisadiyyatda kiçik və orta sahibkarlığın rolunun və rəqabətqabiliyyətinin artırılması istiqamətində görülən tədbirlər, KOB-lara göstərilən dövlət dəstəyi, agentliyin fəaliyəti və dəstək mexanizmləri barədə məlumat verib.

Görüşdə, həmçinin qonaqları maraqlandıran suallar cavablandırılıb və mümkün əməkdaşlıq istiqamətlərinə dair fikir mübadiləsi aparılıb.