Rusiyanın neft gəliri 13% azalıb

Rusiyanın neft ixracından gəliri 2020-ci ilin ilk rübündə keçən ilin eyni dövrü ilə müqayisədə 13,6% azalaraq 25,6 milyard dollara düşüb.

Rusiya Federal Gömrük Xidməti məlumat verir ki, ölkənin neft ixracının həcmi, yanvar-mart dövründə 2019-un eyni dövrü ilə müqayisədə 5,8% azalaraq 63,1 milyon tona geriləyib.

Söz mövzusu dövrdə Rusiyanın neft ixracından gəliri  13,6% azalaraq 25,6 milyard dollara geriləyib.

Ölkənin neft ixracından əldə etdiyi gəlir keçən il 2018-ci illə müqayisədə 6% düşərək 121 milyard dollara geriləmişdi.

Neft və təbii qaz ixracı gəlirləri Rusiyada federal büdcənin təxminən 40%-ni formalaşdırır.