Neftin qiyməti bahalaşıb

ABŞ, Almaniya, İngiltərə, Fransa, İtaliya, Kanada və Yaponiyadan ibarət “G7” ölkələri liderlərinin görüşündə Rusiyanın neft və qazına qarşı tətbiq edilə biləcək qadağalar səbəbilə neft qiymətləri bahalaşıb.

Fins.az xəbər verir ki, “Brent” markalı neftin avqust müqaviləsində bir barelin qiyməti 22 sent və ya 0,2% bahalaşaraq 113,34 ABŞ dolları olub.

WTI markalı neftin avqust müqaviləsində bir barelin dəyəri isə 11 sent və ya 0,1% artaraq 107,73 ABŞ dollarına çatıb.