İnvestisiya şirkətlərinin əməliyyat dövriyyəsinə görə RENKİNQİ - YANVAR-İYUN/2026

Fins.az – Bakı Fond Birjası (BFB) 2026-cı ilin yanvar-iyun ayları üzrə Azərbaycanda fəaliyyət göstərən investisiya şirkətlərinin əməliyyatlarının ümumi dövriyyəsini açıqlayıb.

BFB-nin məlumatına görə, hesabat dövründə investisiya şirkətlərinin və investisiya fəaliyyəti göstərən bankın ümumi əməliyyat həcmi 45,54 milyard manat təşkil edib.

Reytinqə 22,476 milyard manat əməliyyat həcmi ilə "ABB İnvest İnvestisiya Şirkəti" QSC başçılıq edir. Şirkət ümumi dövriyyənin təxminən yarısını formalaşdıraraq bazarda lider mövqeyini qoruyub.

İkinci yerdə 7,619 milyard manat əməliyyat həcmi ilə "PAŞA Kapital İnvestisiya Şirkəti" QSC, üçüncü yerdə isə 4,493 milyard manat göstərici ilə "Unicapital İnvestisiya Şirkəti" ASC qərarlaşıb.

İlk beşlikdə yer alan digər şirkətlər 4,331 milyard manat dövriyyə ilə CPM-İnvest İnvestisiya Şirkəti QSC və 3,381 milyard manat ilə "İnvest-Az İnvestisiya Şirkəti" QSC olub.

Hesabat dövründə Assist Finance İnvestisiya Şirkəti ASC 2,135 milyard manat, "İnno Kapital İnvestisiya Şirkəti" ASC 509,0 milyon manat, Capital Partners İnvestisiya Şirkəti QSC 258,9 milyon manat, Troni İnvestisiya Şirkəti QSC isə 173,4 milyon manat əməliyyat həcmi qeydə alıb.

İlk onluğu "Xalq Kapital İnvestisiya Şirkəti" QSC 99,6 milyon manat dövriyyə ilə tamamlayıb.

Siyahıda sonrakı yerlərdə MFX Trading İnvestisiya Şirkəti (36,7 milyon manat), "CFI Financial İnvestisiya Şirkəti" QSC (22,4 milyon manat) və ASC "Xalq" Bankı (10,1 milyon manat) qərarlaşıb.

2026-cı ilin yanvar–iyun aylarında investisiya şirkətlərinin əməliyyat dövriyyəsi