Azərbaycan neftinin qiyməti bahalaşıb

Dünya bazarında Azərbaycanın “Azeri Light” markalı neftinin qiymətində artım qeydə alınıb.

Fins.az neft bazarındakı hərrac məlumatlarına istinadən xəbər verir ki, Azərbaycan neftinin bir barelinin qiyməti 5,45 ABŞ dolları və ya 4,93 % yüksələrək 115,93 ABŞ dollarına çatıb.

Məlumata görə, hərracların nəticələrinə əsasən, “Brent” markalı neftin iyul fyuçerslərinin qiyməti isə 110,83 ABŞ dolları təşkil edib.

Qlobal enerji bazarlarında müşahidə olunan qiymət artımı investorların diqqətində qalmaqda davam edir.