Azərbaycan neftinin qiyməti 74 dollara enib

Fins.az - Dünya bazarında Azərbaycanın Azeri Light markalı neftinin bir barelinin qiyməti 3,01 ABŞ dolları və ya 3,89 faiz azalaraq 74,36 dollara enib.

Hərracların yekununa əsasən, Brent markalı neftin avqust fyuçerslərinin qiyməti 70,56 ABŞ dolları təşkil edib.

Türkiyənin Ceyhan limanında FOB (BTC FOB) şərtləri ilə satılan Azərbaycan neftinin qiyməti də 3,02 ABŞ dolları və ya 4,03 faiz azalaraq bir barel üçün 71,90 ABŞ dollarına düşüb.

Qeyd edək ki, Azərbaycanın 2026-cı il dövlət büdcəsində neftin baza qiyməti bir barel üçün 65 ABŞ dolları səviyyəsində nəzərdə tutulub.