ABŞ-ın birja indeksləri rekord həddə ENDİ

ABŞ-da göstəricilər prezident seçkiləri və Kovid-19-a qarşı planlaşdırılmış stimul paketi ilə bağlı qeyri-müəyyənliklə bağlıdır.
Fins.az xəbər verir ki,günün sonunda Dow Jones indeksi 100 bənddən çox enib və 0,48 faiz azalaraq 27 682,75 bənd təşkil edib

S&P 500 indeksi 0,95 faiz azalaraq 3 348,60 bəndə, Nasdaq indeksi 2,22 faiz azalaraq 11 075,02 bəndə düşüb.

İndekslərdəki mənfi tendensiya ABŞ prezidenti Donald Tramp və xanımı Melaniya Trampın yeni növ koronavirus (Kovid-19) testinin nəticəsinin müsbət olmasının təsiri altında formalaşıb.

Analitiklər Trampın Kovid-19-a yoluxmasının qarşıdakı prezident seçkiləri ilə bağlı qeyri-müəyyənliyi daha da artırdığına işarə etdiblər

Kovid-19 epidemiyası ilə bağlı həyata keçirilməsi planlaşdırılan təşviq paketi ilə bağlı qeyri-müəyyənlik də bazarların diqqət mərkəzində yerini qoruyub.