Şirkətlər cari hesabdakı vəsaitdən gündəlik gəlir əldə edə biləcək

Fins.az – PAŞA Bank ASC korporativ müştərilərinə cari hesabda saxlanılan vəsaitlər üzrə gündəlik faiz gəliri əldə etmək imkanı təqdim edir.

Bankın məlumatına görə, xidmət çərçivəsində cari hesab qalığı əvvəlcədən müəyyən edilmiş minimum məbləğdən az olmadığı günlər üzrə hesabdakı vəsaitə gündəlik faiz hesablanır. Hesab qalığı müəyyən olunmuş minimum həddən aşağı olduqda isə həmin gün üçün faiz hesablanmır.

Cari hesabdan həm istifadə, həm də gəlir

Bildirilib ki, bu xidmət müştərilərə hesablarında olan vəsaitdən istənilən vaxt sərbəst istifadə etmək imkanı ilə yanaşı, əlavə faiz gəliri əldə etməyə şərait yaradır.

Məlumata əsasən, hesabda saxlanılmalı minimum qalıq məbləği və tətbiq edilən faiz dərəcəsi müştəri ilə fərdi razılaşma əsasında müəyyən edilir.

Faizlər necə ödənilir?

PAŞA Bank bildirir ki, hesablanmış faiz məbləği mütəmadi olaraq müştərinin cari hesabına köçürülür. Faiz hesablanması hesabın gündəlik qalıq məbləği əsasında aparılır.

Xidmətə qoşulma qaydası

Xidmətə qoşulmaq üçün müştəri "Hesabın qalığına faizlərin hesablanmasına dair Ərizə" ilə banka müraciət etməli və tərəflər arasında əlavə razılaşma imzalanmalıdır.

Əlavə məlumat əldə etmək istəyən müştərilər PAŞA Bankın Biznes Mərkəzlərinə, Əlaqə Mərkəzinə və ya bankın elektron poçt ünvanına müraciət edə bilərlər.