Elman Rüstəmovdan banklar və onların daxil olduğu holdinqlər barədə AÇIQLAMA

"Məlum 4 bankdan 3-ü - "Atabank", "NBC Bank" və müəyyən dərəcədə "Amrah Bank" bazara açıq olmayan, sahibinin biznesinə qapanmış banklardır"

Fins.az  xəbər verir ki, bunu Mərkəzi Bankın sədri Elman Rüstəmov Real TV-yə açıqlamasında bildirib.

O deyib ki, "Azərbaycan Mərkəzi Bankının apardığı araşdırmalar göstərir ki, son vaxtlar maliyyə vəziyyəti pisləşmiş bankların problemləri oxşardır. Təəssüf ki, uzaq keçmişimizdən qalmış bir bank modeli var. Bank daxil olduğu böyük bir holdinqə, biznesə xidmət edir. Əhalidən qəbul edimiş əmanətlər də məhz həmin biznesə yönəldilir və itirilir. Yəni, çox riskli kredit siyasəti yürüdülür, böyük iddiaları olan şəxslərin layihələri maliyyələşdirilir, bilinmir bu layihələrin axırı nə olacaq, hətta bank profilindən kənar böyük əmlaklar alınır və son nəticədə vəsaitin yerləşdirilməsi xeyir gətirmir.

Mərkəzi Bank sədri eyni zamanda bank idarəetməsinin düzgün olmadığına toxunaraq "Aşağı səviyyədə idarəetmənin olması, risk menecmentinin olmaması kimi problemlər var", - deyə o, qeyd edib. 

(c)report