Dollar ucuzlaşdı

Amerikada işsizliyin artmaqda davam etməsi, iqtisadi aktivliyin və dollara olan tələbin daha da azalmasına səbəb olmaqdadır.

Foreks: Dollarda sürətli ucuzlaşma
Beynəlxalq valyuta birjalarında dolların aparıcı valyutalara nisbətən qiymətləri Amerikadan açıqlanan mənfi fundamental göstəricilər fonunda yenidən ucuzlaşmağa başlayıb. Cümə axşamı Amerikanın əmək bazarına dair yayımlanan statistik məlumatlarda, artıq ikinci həftədir ki, 6 milyondan çox insan işsizlik müavinəti üçün hökümətə müraciət edib. Bu, son 50 ilin ən yüksək səviyyəsidir. 

Foresk bazarlarında dolların ucuzlaşması, EUR/USD və GBP/USD məzənnələrinin bahalaşmalarına səbəb olub. Təhlillər isə dollara olan tələbin sürətlə azalacağını proqnozlaşdırmağa əsas verir. 

Dolların ucuzlaşması, əlvan metallar bazarlarında qızılın da bahalaşmasına səbəb olur və burada da son 7 ilin maksimumu qırılmaq üzrədir.