“Bank VTB Azərbaycan”ın səhmdarlarının yığıncağı keçiriləcək

Aprelin 30-da, saat 11:00-da “Bank VTB Azərbaycan” ASC-nin səhmdarlarının növbəti ümumi yığıncağı keçiriləcək.

Bu barədə bank məlumat yayımlayıb

Məlumata görə, yığıncaq “Bank VTB Azərbaycan”ın Bakı şəhəri, Nəsimi rayonu, Xətai prospekti, 38 ünvanında yerləşən baş ofisində olacaq. Yığıncağın gündəliyinə Bankın ötənilki fəaliyyəti ilə bağlı maliyyə hesabatının təsdiq edilməsi, mənfəətinin bölüşdürülməsi – dividend ödənilməsi məsələləri daxildir.

Xatırladaq ki, "Bank VTB Azərbaycan" 2003-cü ildən fəaliyyət göstərən "AF Bank" ASC-nin bazasında 2009-cu ildə yaradılıb. Onun nizamnamə kapitalı 315,815 milyon manatdır. Bankın səhmlərinin 99,999995%-i “Bank VTB Rusiya” ASC-yə, 0,000005%-i isə Adıgözəl Ağayevə ("Ata Holdinq” MMC-nin keçmiş baş direktoru) məxsusdur.

(c)“Report”