Azərbaycanın xarici ticarət balansında 6,4 milyard dollarlıq profisit qeydə alınıb

2025-ci ildə Azərbaycanın xarici ticarət dövriyyəsi 41,8 milyard ABŞ dolları təşkil edib.

Fins.az xəbər verir ki, bu barədə Azərbaycan Mərkəzi Bankı məlumat yayıb.

Məlumata görə, hesabat dövründə neft-qaz sektoru üzrə 18,1 milyard ABŞ dolları həcmində profisit formalaşıb və bu göstərici qeyri-neft-qaz sektoru üzrə yaranmış 11,7 milyard dollarlıq kəsiri kompensasiya edib.

Nəticədə, ümumilikdə xarici ticarət balansında 6,4 milyard ABŞ dolları həcmində profisit qeydə alınıb.

Bildirilib ki, 2025-ci il ərzində Azərbaycan dünyanın 179 ölkəsi ilə ticarət əlaqələri həyata keçirib.

Statistikaya əsasən, xarici ticarət dövriyyəsinin 12,6 faizi MDB üzvü olan ölkələrin, 87,4 faizi isə digər xarici ölkələrin payına düşüb.