Azərbaycanda ipoteka kreditlərinin həcmi 5,1 milyard manata çatıb

Azərbaycanda bu günə qədər ümumilikdə 5,1 milyard manat məbləğində ipoteka krediti verilib.

Finss.az xəbər verir ki, bu barədə Fondun baş meneceri Rasim Abdullayev məlumat verib.

Onun sözlərinə görə, bu məbləğin təxminən 70%-i — yəni 3,5 milyard manatı dövlət xətti ilə, Fond vasitəsilə ayrılıb. Həmin kreditlər 54,800 nəfər vətəndaşı əhatə edib.

Qalan 1,6 milyard manat isə bankların daxili ipoteka proqramları çərçivəsində 12,900 şəxsə təqdim olunub.

Fuad Mədətov
Finss.az