Apple-ın xalis mənfəəti 11% azalıb

iPhone-ların istehsalçısı Apple şirkəti 2022-ci ilin aprel-iyun dövrü üzrə balans hesabatlarını açıqlayıb.

"Fins.az" xəbər verir ki, Apple-ın rüb ərzində gəliri ötən ilin eyni dövrü ilə müqayisədə 2% artaraq 83 milyard dollar təşkil edib.

Şirkət ötən ilin aprel-iyun dövründə 81,4 milyard dollar gəlir əldə etmişdi.

Ötən ilin eyni dövründə 21,7 milyard dollar olan şirkətin xalis mənfəəti 11 faiz azalaraq 19,4 milyard dollar təşkil edib.

Şirkətin səhm üzrə qazancı da 1,30 dollardan 1,20 dollara geriləyib.